Nokia ka deklaruar të enjten se ka filluar me shitjen e celularit të parë i cili ekran vëllimor të ndjeshëm në prekje Nokia X6, i cili mundëson nivel më të madh të ndjeshmërisë dhe precizitetit të ekranit.

Nokia X6 konsiderohet si trashëgues i modelit Nokia 5800 XpressMusic, sjell me vete fotoaparat prej 5 megapikselash dhe memorie të integruar prej 32 GB, por pa mundësi të zgjerimit me anë të kartelave, sikur edhe tek Nokia N95 8GB.

Sistemi operativ është Symbian S60, e në të gjenden edhe GPS, 3G, Wi-Fi dhe ekrani me rezolucion prej 640 x 360 piksela.

Nëpër dyqane ky celular do të gjendet më 12 nëntor me çmim prej 460 euro, pa shërbimin Music, me të cilin shkon deri në 590 euro, por edhe me qasjen e pakufizuar për shkarkimin e këngëve brenda një viti të plotë.